江南庭敘 (Closed)

星期六一家人行完EMax... 打算行去德福搵食…途中見到一個金頂亭仔… 就兜去睇下，原來係四面佛。我地發現座大廈內有4間餐廳.. 睇完餐牌後，就選咗「江南庭敘」打邊邊… 餐廳環境清靜… 裝修簡約明亮.. 枱與枱之間距離適中… 唔會太迫… 好適合頃計飯聚… 而且無限時…😊; 惟食飯時… 有兩三隻蚊滋飛黎飛去…☹。 我地叫咗「金牌手切肥牛」…果然如之前食評講的.. 肉質新鮮…好好食；「西班牙黑毛豬」肥瘦適中.. 😊；「桶蠔」新鮮肥美… 隻隻飽滿… 令人回味；「花竹蝦」價錢略貴...不過可代起片... 唔使整濕隻手..且啖啖肉.. 鮮甜美味.. 超贊 😊；另外亦咗「炸魚皮」及 「響鈴」, 即炸… 上枱時仲熱辣辣, 好鬆脆, 不油膩..贊。 員工態度良好細心… 適時地為我們加水/湯及收拾吉碟，令枱面保持企理。餐廳送了水菓盤… 呢餐滿意地結束。