Video
Read full review
2021-06-21
1134 views
Monday Blues，不過好彩都擠到少少時間出離食返餐好先繼續搏殺。今次地點係位於尖沙咀漆咸圍單字一個豐既日式餐廳。幾個月前黎過一次，印象好好。餐廳係日式壽司吧，有張大大壽司枱，客人圍住師傅工作空間坐，每兩個位用易拉架同膠板隔住，可以睇住師傅手握壽司，我鍾意。Lunch Menu 有六款定食選擇，分別有板長Omakase，特選壽司十貫配稻庭烏冬或冷素麵，日替定食，和牛丼，豚肉生薑燒，同燒魚，餐牌同我上次黎有唔同。定食包前菜，茶碗蒸，吸物，咖啡或甜品，價錢由$280到$980，視乎選擇，另收加一。菜單講明所有菜式均以日本直送白神山水烹調。今次我決定試下呢度既板長Omakase，包時令刺身，壽司及熟食，價錢分兩個，分別係$780同$980。第一次食呢度嘅Omakase，我揀左入門嘅$780試吓先。茶碗蒸及前菜（跟餐）前菜（跟餐）前菜係胡麻醬菠菜豆腐，香滑凍凍哋嘅豆腐配翠綠嫩口菠菜，好清新。茶碗蒸（跟餐）茶碗蒸蒸蛋好滑，配料有新鮮脆冬菇，明顯冇落鹽。之後師傅就放左幾塊自家製柚子蘿蔔，酸薑片同wasabi喺我既壽司碟度。師傅介紹柚子蘿蔔係自家製。柚子蘿蔔非常爽脆酸味味，夏天食好開胃。酸薑片
Lunch Menu 有六款定食選擇，分別有板長Omakase，特選壽司十貫配稻庭烏冬或冷素麵，日替定食，和牛丼，豚肉生薑燒，同燒魚，餐牌同我上次黎有唔同。定食包前菜，茶碗蒸，吸物，咖啡或甜品，價錢由$280到$980，視乎選擇，另收加一。菜單講明所有菜式均以日本直送白神山水烹調。
今次我決定試下呢度既板長Omakase，包時令刺身，壽司及熟食，價錢分兩個，分別係$780同$980。第一次食呢度嘅Omakase，我揀左入門嘅$780試吓先。
茶碗蒸及前菜（跟餐）
前菜（跟餐）
前菜係胡麻醬菠菜豆腐，香滑凍凍哋嘅豆腐配翠綠嫩口菠菜，好清新。
茶碗蒸（跟餐）
茶碗蒸蒸蛋好滑，配料有新鮮脆冬菇，明顯冇落鹽。
之後師傅就放左幾塊自家製柚子蘿蔔，酸薑片同wasabi喺我既壽司碟度。師傅介紹柚子蘿蔔係自家製。柚子蘿蔔非常爽脆酸味味，夏天食好開胃。酸薑片甜度高而唔太辣，個人幾鍾意，如果可以冇咁濕就更好。wasabi一定係即磨，好新鮮。
時令刺身
12 views
0 likes
0 comments
時令刺身 （跟餐）
時令刺身
6 views
0 likes
0 comments
師傅一次過上左三款時令刺身俾我，包括鱆紅魚，帶子同大拖羅。師傅介紹隻碗係九州嘅有田燒，又大隻又紅。
時令刺身
11 views
0 likes
0 comments
師傅仲建議剌身面頭嘅紫蘇葉可以放喺豉油碟上面，會更香。
鱆紅魚
9 views
0 likes
0 comments
鱆紅魚兩大塊，超厚切，師傅用刀戒開左好幾下，並建議點另上嘅帶有柚子香既酸汁食，果然清新啖啖肉，絕對唔會雪過龍。
帶子
15 views
0 likes
0 comments
帶子一大件切開左二份而唔係平常既切片，師傅建議可用wasabi調味。帶子質感好特別，非常爽口。
大拖羅
14 views
0 likes
0 comments
大拖羅兩大塊，師傅建議都可以用wasabi調味。大拖羅食落油脂滿溢，有少少筋係正常，連埋下底少少沙律菜食可以減吓膩。
時令壽司係師傅喺你面前逐件上，等你食到壽司最新鮮嗰刻，正！
𩶘魚壽司
6 views
0 likes
0 comments
第一貫係𩶘魚壽司，呢款係夏天必食，魚肉鮮甜嫩口，師傅已加豉油同wasabi，即時食就得。
深海池魚壽司
9 views
0 likes
0 comments
第二貫係深海池魚壽司，魚肉好滑，同𩶘魚一樣咁嫩滑。
北海道銀鱈魚壽司
7 views
0 likes
0 comments
第三貫係北海道銀鱈魚壽司，平時好少食銀鱈魚壽司，銀鱈魚切得好厚身，原來銀鱈魚係好滑同唔油膩，好味喎！
中拖羅壽司
7 views
0 likes
0 comments
第四貫係中拖羅壽司，中拖羅已經入口即化咁滯，完全冇筋，吞拿魚味好香濃！
白蝦海膽壽司
7 views
0 likes
0 comments
最後一貫係白蝦海膽壽司，用左隻好靚嘅日式碟仔放。海膽好香滑，creamy又唔腥。白蝦係由唔少細蝦仔組成，雖然唔係啖啖肉，但係都鮮甜。
白蝦海膽壽司
7 views
0 likes
0 comments
壽司飯分量適中，唔多唔少，醋味亦適當又唔易散開。呢度既壽司似乎以簡單less is more爲主，唔似其他壽司吧會加d其他toppings落刺身上面。雖然我今朝好肚餓，但係食到呢度都飽飽地，不過仲有一道熱菜！
燒油甘魚魚胶配酸汁
4 views
0 likes
0 comments
燒油甘魚魚胶（跟餐）
燒油甘魚魚胶配酸汁
2 views
0 likes
0 comments
呢道熱菜等咗一陣，原來係燒油甘魚魚胶。上枱時候真係熱辣辣，塊油甘魚外皮燒得超薄脆香口，入面啲肉則非常滑溜嫩口。我最欣賞呢道菜嘅調味，廚師應該係用鹽烤，只係塊皮有少少鹹香，而魚肉味道又夠味，絕對唔會過鹹！廚師仲貼心咁俾埋青檸同凍嘅白蘿蔔蓉你自己調味，另上既酸汁都唔錯。
麵豉湯（跟餐）
吸物係麵豉湯， 有兩舊豆腐同好多昆布，熱度同鹹度適中。
香蕉朱古力蛋糕（跟餐）
可以揀咖啡或者香蕉朱古力蛋糕。我呢個甜魔梗係揀甜品啦！香蕉朱古力蛋糕一啖食晒，入口係好香既香蕉味，食落就有好香滑既冷凍朱古力忌廉。整體黎講，蛋糕好濕潤，唔錯。
服務態度極好，師傅會主動同我講下野，又會主動介紹食物，服務周到，座位舒適。上次黎就略嫌冷氣太凍，今日好熱，我就覺得好舒服，哈哈。總括而言，呢餐絕對係視覺同味覺嘅享受！
Post
