泰豪燒 (Closed)

同朋友慶祝生日，緊係要食好啲啦～串燒加生啤緊係絕配吧！依家仲係買一送一，只要like Facebook post就可以有呢個優惠。我哋第一時間就叫左蜆炒粉絲，不過因為無曬蜆就叫左花甲，估唔到仲大隻更鮮味。感覺有啲似濕炒，建議去曬殼先食就更滋味🤭我哋睇見隔離個燒生蠔都唔錯，佢唔係水煮完先拎去燒的，真係慢慢燒到佢收乾水。黎到有幾樣係必叫的，雞翅、茄子同白鱔，係我去過咁多既串燒店，最岩我口味的。內軟外脆，仲保留到好多好多肉汁的，真係每次都要大讚一番🤣茄子都係原條燒，唔係水煮完先再燒，依家慢慢燒既真係愈黎愈少有。我自己本人更鐘意既牛舌，夠香口但又冧身。仲有好多唔同選擇，總有一款岩心水咁食法都係6百幾蚊，都唔算貴。