K Square 3 Grill & Bar (Closed)

都係坐係舖頭堂食即燒即食最好，大量外賣既味道、溫度同質數始終差好遠呢！好貴噃，咁就七百幾蚊，仲要食唔飽又凍冰冰，要再叫鹿鳴居送幾個熱辣辣小菜過黎先掂啊。燒魷魚筒，仲暖暖地架喎，加上大量日本甜豉油味道滿意，魷魚肉鮮嫩彈牙。燒大虎蝦，太熟喇麻？蝦味超濃呀，香甜味美又夠鮮，仲有咁香既蝦膏添呢，係熟左少少囉。蒜蓉焗東風螺，依個好味道又夠熱 ﹗蒜蓉香氣撲鼻而來，味道鮮甜爽彈。燒活鮑魚，同上次一樣問題，邊位太燶喇，可能因為落左醬汁啦。肉質彈而鮮甜，滿意。燒豆腐卜，好過上次好多。今次唔硬又脆口，索埋甜醬油再黏上木魚，好味噃。汁燒雞心，濃烈既醬汁完全蓋過雞心既原味，而且燒得幾乾下。雞心由細食到大，應該係彈牙又 juicy 架。燒日本鮮蘆筍，最鍾意食蘆筍。依幾條燒得爽口又保持水份，無投訴。厚燒鵝肝，係好奇心之下 order 黎試下，從未試過串燒鵝肝。但係太熟、太肝、太燶，So sorry。厚燒牛舌？剛剛見到張單先知係厚切，已經係厚切架喇？無上次咁咸，味道正常好多，爽口帶點牛羶味，滿意。燒白鱔，鱔皮既燶味太濃帶苦，食唔到鮮既鮮味。燒牛肝菌，菌味濃郁，爽口又充滿水份，滿意。燒雞尾，細細已經搶黎食，以前又嫩又