龍井 (Closed)

同朋友經過呢間嘢，見到招牌寫住串燒・煲仔飯。通常見到啲鋪頭都係小菜加煲仔飯又或者茶餐廳煲仔飯，入去試吓啦。睇完menu, 食物主要係煲仔飯同串燒，而飲品就主要係台式飲品，都有啤酒汽水嗰啲。可能間餐廳唔算地方大，好容易就叫會叫到店員落柯打，收碟嗰啲。先嚟個白鱔煲仔飯，啲魚都好滑，飯都好入味，唔錯。另外叫左個臘腸排骨飯，都相當唔錯。燒羊架，好食過放題嗰啲，好夠味。燒菠蘿，我自己本身麻麻地，啲fd覺得好食。好邪惡嘅燒餐肉，厚切，好正。燒茄子，燒得剛剛好，唔會過咗火。仲有叫左其他嘢，不過太肚餓關係，唔記得影相。叫左幾杯嘢飲，我呢杯香芋珍珠普普通通，唔會太甜，ok。總括來說，呢餐唔錯。