倪姐泰國美食 (Closed)

情人節唔想食貴價情人節套餐求其行過見到呢間野啲價錢算正常加上都幾多人食就入左去啦～叫了一個鮮蝦金邊粉,3串串燒（豬，牛，雞腎），每串都係$16，價錢相當合理，青咖喱（雞）加薄餅，同埋芒果糯米飯。鮮蝦金邊粉賣相吸引，味道正常，蝦非常好食，可惜只有3隻～串燒不得了，雞腎好味到想encore！醬味亦十分惹味。青咖哩就有啲辣（對於唔太食得辣既人嚟論），薄餅十分好食！係我今晚既最愛！皮煎得岩岩好，有咬口，煙韌！念念不忘呀實在～～～最大既敗筆就係mango糯米飯，啲芒果酸到不得了，而椰漿就太甜，實在麻麻，食左兩啖冇食，辛苦男友了！另外叫左紅毛丹沙冰同青檸梳打，前者太甜，後者則太酸！