串燒堂 (Closed)

堅尼地城好多小店，好鍾意係串燒店同朋友詳談飲啤酒，今次捉咗個朋友仔去試呢間串燒堂。麻辣小龍蝦小龍蝦味道好惹味同好入味，小龍蝦啲肉好實在，食完一碟，真係有種意猶未盡嘅感覺。法式鵝肝多士多士焗到脆卜卜，配上入口即溶嘅鵝肝，簡直係人間美食，個鵝肝都幾大個添㗎。燒特色土豆片好似長洲嗰啲特色小食咁，將薯仔切到一片片，用長簽串起，好似食緊薯片咁，小朋友至愛。蒜蓉燒原條魷魚蒜蓉味好重同好入味，一啲都唔韌，如果份量多啲就更加好。