Video
Read full review
2022-09-15
23 views
朋友話上星期同事帶佢嚟呢間餐廳試過唔錯，今日要我陪佢再嚟~見到牆身放滿時令推介，心大心細諗緊食咩時店員推介日本兵庫縣生蠔做緊3送1，仲可以試2隻刺身2隻燒，都幾抵喎~ 呢款刺身蠔入口清爽，散發微甜。用燒嘅方法又散發另一種香氣，蠔肉稍為收水變得更挺實，加上酸汁，蠔肉嘅鮮甜味又到咗另一層次~上次去另一餐廳想食活赤貝食唔到，呢度今日剛好有貨即落order，活赤貝上枱非常精緻，入口爽脆，正~嚟呢度必試串燒，白鱔燒得外皮香脆，魚肉依然嫩滑鮮甜~ 明太子雞翼漲卜卜，塞得飽滿!微辣嘅明太子同滑嘟嘟雞肉入口香口又開胃，讚!豚肉荔枝卷入口有香濃肉味，荔枝多汁平衡熱氣及油膩感，係一個唔錯嘅選擇!食食下見到勁多人點雞肉捧(自家製)，忍唔住又點一份~雞肉口感結實又有肉汁，點睛之處當然係靚靚蛋黃同醬汁!蛋黃又香又滑，賣相又靚，難怪咁多人點!最後食返個鵝肝帶子炒飯，米飯粒粒分明又挺身，每口都食到鵝肝香味但唔會太漏，呢個價錢真係值回票價!今晚客人都幾多，到達時只剩下吧枱位，但原來又唔錯喎，見到師傅製作食物過程順便睇下邊樣吸晴又點嚟試下~而且抽油煙系統真心唔錯，坐咗成餐飯都唔覺有咩油煙味，食物上枱速度又快，仲有勁多款
見到牆身放滿時令推介，心大心細諗緊食咩時店員推介日本兵庫縣生蠔做緊3送1，仲可以試2隻刺身2隻燒，都幾抵喎~ 呢款刺身蠔入口清爽，散發微甜。用燒嘅方法又散發另一種香氣，蠔肉稍為收水變得更挺實，加上酸汁，蠔肉嘅鮮甜味又到咗另一層次~
上次去另一餐廳想食活赤貝食唔到，呢度今日剛好有貨即落order，活赤貝上枱非常精緻，入口爽脆，正~
嚟呢度必試串燒，白鱔燒得外皮香脆，魚肉依然嫩滑鮮甜~ 明太子雞翼漲卜卜，塞得飽滿!微辣嘅明太子同滑嘟嘟雞肉入口香口又開胃，讚!豚肉荔枝卷入口有香濃肉味，荔枝多汁平衡熱氣及油膩感，係一個唔錯嘅選擇!食食下見到勁多人點雞肉捧(自家製)，忍唔住又點一份~雞肉口感結實又有肉汁，點睛之處當然係靚靚蛋黃同醬汁!蛋黃又香又滑，賣相又靚，難怪咁多人點!
最後食返個鵝肝帶子炒飯，米飯粒粒分明又挺身，每口都食到鵝肝香味但唔會太漏，呢個價錢真係值回票價!
今晚客人都幾多，到達時只剩下吧枱位，但原來又唔錯喎，見到師傅製作食物過程順便睇下邊樣吸晴又點嚟試下~而且抽油煙系統真心唔錯，坐咗成餐飯都唔覺有咩油煙味，食物上枱速度又快，仲有勁多款串燒揀，每款都燒得靚靚，鎖住肉汁唔會乾!真係送酒一流~唔飲酒嘅可以叫返杯津輕完熟蘋果汁，清甜得嚟散發日本生果獨有香氣，超好飲!
~
Post
