芝加哥串燒酒場 (太和中心)

講起大埔食串燒飲下酒，都一定係芝加哥串燒酒埸! 因為佢D串燒都真係好高質! 一開始會比左d nuts，其實都幾好食。串燒好多款簡! 叫左一口和牛串，薄燒安格斯牛肉蔥串。牛肉蔥串好好食，蔥又可以解左肉既膩! 而且都燒得岩岩好~ 又唔會焦左!雞肉軟骨棒好好食，今晚既no.1，仲有埋生蛋可以點黎食，肉質又唔會鞋，下次黎一定要狂點呢個! 呢到連雞翅包飯都有! 雞翅表面燒到岩岩好，調味有少少甜，幾好食。雞子串真係第一次食，而且比想像中大份，同埋原來唔會有奇怪味，感覺幾有趣。大蔥雞肉串都係我最愛之一，雞肉係超嫩滑! 海鮮方面叫左燒鮑魚，蟶子，白鱔同埋扇貝，全部都好新鮮，蟶子仲要係好大隻!好抵食。 野飲呢到係好多款，今次叫左款craft beer試試，spitfire係有D胡椒同埋red grapes味，算係幾易入口! 另外就叫左基本款1664。呢到主要都係環境好岩成班FD黎睇下波吹下水飲下酒，真係一個唔錯既選擇!