喜聚燒 (Closed)

約了老友尖沙咀吃晚餐，他愛串燒我愛雞煲，於是齊齊行去寶勒巷的喜聚燒，喜它可一次滿足兩個願望又坐得舒服，啱晒和老友聚舊。雞煲食得多，烏雞真係未試過，所以我叫了半隻。同時叫了半份豬肋骨，等老友可以慢慢研究幾頁紙的串燒餐牌。💥麻辣滋補鮮烏雞非常惹味，配料有洋蔥，杞子，辣椒和蟲草花。烏雞不肥卻仍然嫩滑。💥燒美式豬肋排表面塗抹了甜甜地的醬汁，肉質鬆軟連骨都咬埋！半份夠兩人吃了。這時老友點的串燒也到了。💥燒蒜蓉大扇貝，肉質鮮甜無比💥燒蒜蓉蟶子皇，肉質爽脆清甜💥燒蒜蓉茄子，多汁又健康💥燒娃娃菜，有種焦香的甜味，不同湯上的食法，別有一番滋味💥燒玉桂焦糖金菠蘿，作為甜品，差不多每枱都點，酸酸甜甜好好食，表面焦糖甚至是脆的！