喜聚燒 (Closed)

尖沙咀寶勒巷10 Prat 有好多上樓餐廳，今日去到其中一間8樓嘅喜聚燒。餐廳係日本居酒屋風格，細細間，裝修幾有氣氛，好適合三五知己飲嘢食串燒。飲品選擇除咗有啤酒，仲有清酒，汽水。除咗串燒之外，餐廳主打麻辣滋補烏雞和海鮮，所以我地就叫咗：麻辣滋補烏雞燒珍寶大扇貝燒日本廣島生蠔泰式燒原隻鮮魷魚黑啤牛仔骨燒牛助條麻辣滋補烏雞，係餐廳自創菜式，上枱嘅時候係會有一個爐，下面有火暖住。烏雞仲配埋蟲草花一齊炒，成件事感覺好滋補有益。😃雖然佢個名有麻辣兩個字，其實唔係好辣，而且仲少少甜，好啱口味。不得不提餐廳而家做緊6周年優惠， $88有六隻燒日本廣島生蠔，超抵。平時3隻都$78。所以趁住有優惠一定要叫😆。蠔都幾大隻，好飽滿，鮮味。大扇貝同魷魚都新鮮，大扇貝真係好大，好惹味。魷魚就好適合送啤酒，好香炭燒味。黑啤牛仔骨，好厚肉，好大件，一客仲有兩件。燒牛肋條就甜甜地，味道有嘅韓feel 。店員服務態度都好親切，飲品收費唔算貴。