廟街小食

Open Now

Now Closed

廟街小食油麻地人必食推介，亦都係身為油麻地必定會知道嘅一間串燒店。作為熟客仔嘅我，認真覺得呢間串燒店係油麻地其中一間靈魂所在地。不論係你放工宵夜，同朋友飲啤酒談天嘅絕對好選擇。每串串燒都熱辣辣，同時亦帶住非常香嘅炭燒味道，真係絕對係必食推介串燒店。食過嘅街坊街里必定會好清楚佢嘅大中小辣汁。另一個推介食法，如果唔係同朋友傾偈飲啤酒。可以叫一個撈麵，再配幾串串燒，絕對絕對係一個好食法。另外想食辣嘅朋友記住第一次是最好試一試佢個嘅中辣先，因為佢嘅辣度都唔係講笑。