82
23
11
Level2
11
0
串爆+凍死人+飯中送眼睫毛餐廳
2016-08-29 1434 views
無論33度夏天、落雨清涼夏天、凍冰冰冬天，呢度都係冷氣勁凍到震，極唔環保也不見到有幾注重健康，吹到食物凍晒都算，問可否出風位撥上少少唔兜口兜面吹住個頭，答案係老闆娘企門口熱要吹風，或者當聽唔到忽視你。灣仔食lunch度度都要射位明嘅，但老闆娘啲態度真係唔知以為我求佢派免費飯俾我哋。食扒永遠要催俾刀，當然問都係衰聲應你。初開業時僱用殘障人士仲以為好有heart，態度差少少都算，而家越做越多分店，改請有口音阿姐，態度就更只有走下坡。食物以前都只係中規中舉，多啲烚菜同有糙米飯揀而已，餸偏甜，唔覺有幾出類拔萃，但明顯越黎越衰，套餐縮水冇甜品，今次食到尾仲發現眼睫毛！！！呢個質素、呢個衛生、呢個態度，一定唔再有下次！
Read full review
無論33度夏天、落雨清涼夏天、凍冰冰冬天，呢度都係冷氣勁凍到震，極唔環保也不見到有幾注重健康，吹到食物凍晒都算，問可否出風位撥上少少唔兜口兜面吹住個頭，答案係老闆娘企門口熱要吹風，或者當聽唔到忽視你。


灣仔食lunch度度都要射位明嘅，但老闆娘啲態度真係唔知以為我求佢派免費飯俾我哋。食扒永遠要催俾刀，當然問都係衰聲應你。


初開業時僱用殘障人士仲以為好有heart，態度差少少都算，而家越做越多分店，改請有口音阿姐，態度就更只有走下坡。


食物以前都只係中規中舉，多啲烚菜同有糙米飯揀而已，餸偏甜，唔覺有幾出類拔萃，但明顯越黎越衰，套餐縮水冇甜品，今次食到尾仲發現眼睫毛！！！


呢個質素、呢個衛生、呢個態度，一定唔再有下次！
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Date of Visit
2016-08-29
Waiting Time
30 Minutes (Dine In)
Type of Meal
Lunch