Video
Read full review
2017-05-26
538 views
兜記位於銅鑼灣站與灣仔站的中間，兩個站落車都係大約行10分鐘就到，都唔算要行好耐，聽說呢度個乳豬做得好好，連店名都叫「兜記即燒乳豬專門店」，擺埋係招牌度，相信店主對自己做的乳豬好有信心吧餐廳係好傳統的中式酒樓格局，其實個人幾喜歡中式圓桌呢種坐法，大家圍埋一圈，唔會冷落左任何人，既方便傾計，又方便夾食物牆上紅底白字人手寫上招牌菜式，充滿兒時中式酒樓的味道，令我回想起細個每星期媽媽都會帶我去飲茶，當時酒樓會無啦啦「登登登燈，X先生請聽一號線」，D字係咪有聲呢，由於當時仲未興個個有部手提電話，所以如果要搵人而你又知佢係某酒樓，就可以打去酒樓搵人啦，而家科技進步，但真係唔知拉近定拉遠人與人之間的距離套件餐具，全部都印上兜記二字，喜歡這種一致性而家好少地方前菜會俾蕎頭，大多都係俾花生，貫徹懷舊風味足料老火靚湯是日湯係節瓜章魚湯，湯料用碟分開上，清楚睇到用咩材料煲，用上了五花腩唔係一般瘦肉，湯飲落去係媽媽的味道，就好似肥媽好鐘意講一句，飲完好舒服呀龍躉班兩味 ($398) - 翡翠炒班球龍躉班兩味的其中一味，簡單用上西芹炒，龍躉班完全起骨，啖啖肉又大件，無骨食起黎特別爽，班的肉質咬落厚實，跟一般吃
餐廳係好傳統的中式酒樓格局，其實個人幾喜歡中式圓桌呢種坐法，大家圍埋一圈，唔會冷落左任何人，既方便傾計，又方便夾食物
牆上紅底白字人手寫上招牌菜式，充滿兒時中式酒樓的味道，令我回想起細個每星期媽媽都會帶我去飲茶，當時酒樓會無啦啦「登登登燈，X先生請聽一號線」，D字係咪有聲呢，由於當時仲未興個個有部手提電話，所以如果要搵人而你又知佢係某酒樓，就可以打去酒樓搵人啦，而家科技進步，但真係唔知拉近定拉遠人與人之間的距離
套件餐具，全部都印上兜記二字，喜歡這種一致性
而家好少地方前菜會俾蕎頭，大多都係俾花生，貫徹懷舊風味
足料老火靚湯是日湯係節瓜章魚湯，湯料用碟分開上，清楚睇到用咩材料煲，用上了五花腩唔係一般瘦肉，湯飲落去係媽媽的味道，就好似肥媽好鐘意講一句，飲完好舒服呀
龍躉班兩味 ($398) - 翡翠炒班球龍躉班兩味的其中一味，簡單用上西芹炒，龍躉班完全起骨，啖啖肉又大件，無骨食起黎特別爽，班的肉質咬落厚實，跟一般吃到的魚高幾班
龍躉班兩味 - 果皮蒸班頭腩再來第二味，跟上一味風格完全不同，清蒸更講求魚的質量與新鮮度，淡淡的果皮香既可僻鯹，味道又跟魚好夾，今次用的班頭腩雖然有骨太唔多，由於係大魚，所以全部骨都好大條，容易HANDLE，一次過可以試晒炒同蒸的龍躉班，風格大不同，各有特色
兜記即燒乳豬 - 例 ($150)呢碟乳豬就係我今日黎呢度既主要目的啦，乳豬有別於一般食法，會有一籠小簿皮跟上，小簿皮總共有6塊，所以乳豬可以有兩種食法，部份可留來包著吃，小簿皮有效地去除油膩感，軟棉棉的薄皮配上脆卜卜的乳豬，兩種極端口感互相衝擊
乳豬每件形狀均一，一口咬下又脆又香，乳豬皮下有少少肉，再沾上乳豬醬，我倆不知不覺好快就食晒整碟乳豬
南瓜露湯水乃免費贈送，雖是免費但卻不是交行貨，南瓜露不太甜，看到絲絲南瓜蓉，南瓜味濃，就算簡單材料，只要用心製作亦能變作佳餚
席間見到有唔少老人家，相信佢地同我一樣，就是喜歡呢一種懷舊的中式酒樓，香港地少，多個地方重建再起，甚至有些保育文物都會被偷偷拆掉，好多時去旅行就係喜歡看老文物，實在很敬佩外國政府願意投放資源係保育上，香港，窮得只有錢
Post
