Girlboss by Master Kama (Closed)

食物雖然唔係好出色，不過嚟得呢度，主要都係感受下少女情懷，仲有同好姊妹聚下舊。餐廳名乎其實係為女士而設，環境設計、菜色擺盤，全部都好girly。餐廳有半圓形型梳化位，食物放喺三層high tea架上面，感覺好似喺秘密花園裡面high tea，個氣氛係幾特別。我地叫左Bossy Royal Set, 有齊沙律或餐湯、前菜、主菜同主食。菜色根據menu自選，自由度都幾大，真係可以話事。先上沙律，我同友人都叫左「蟹肉牛油果蘋果青瓜沙律」。好鍾意個salad dressings，唔係mayonnaise，又唔係黑醋，係紅紅地色、甜甜酸酸的，好似cranberry dressings咁。開胃健康之餘又無咁悶。前菜我地叫左「龍蝦芝士玉子燒」同「Girl’s 分享盤」。前者普通，唔夠芝士味。分享盤有餃子、雞肉串、Shake shake炸薯條、炸芝士等。係豐富嘅，咩都可以試下，但就無邊款令人印象深刻。主菜海鮮拼盤好一般。至於主食「黑松露野菌扁意粉」唔夠汁，意粉黏埋一舊，亦無黑松露香味，失望。反而「波爾多紅酒燉牛面肉燴意大利飯」叫做有啲味道。雖然食唔到牛肉係咪真係牛面肉，但總算夠入味。整體嚟講，呢度主要