家嫂一家大小

Open Now

Now Closed

同事大大推介呢間無限時任食雞煲、火鍋，包括紅白酒，飲品都係任飲所以立即約埋可個知己去試下，去之前睇下食評，見到有d負評，主要係投訴服務差，所以當刻有 d擔心，最後…完全唔係果回事，相反地，每一位店員都好好服務，周不時主動問要唔要加海鮮，加白酒紅酒，十分周到！如預約左的話，用餐前一晚會有 whatsapp 問要唔要預訂雪燕椰皇，要唔要預留免費既花膠湯底，要唔要預訂象拔蚌刺身，只要日一天通知，會安排妥當。環境方面，十分乾淨，闊落，唔會迫迫夾。入座後，店員馬上送上餐前小食，如唔夠的話可以再添，之後會端上熱竦竦既雞煲，雞煲亦係任食！由於我地主攻海鮮，所以雞煲都係少食😄然後就黎刺身【刺身係冇任食】， 刺身原來係時令，唔會話一定係d, 但都係好新鮮。品嘗刺身後，就係主攻既海鮮鍋喇，先講講呢度係冇 menu, 頭輪會先上各類海鮮，但有d海鮮要主動問店員，例如蟹、鮑魚等等，總之唔好怕醜主動問店員！海鮮樣樣都好新鮮除左海鮮，亦有其他各類火鍋配料如餃子，牛、豬、菜、炸魚皮、鮮竹……等等，多到食唔晒！飲品方面，有紅、白酒，一支支既養生飲品，仲有要特登 order 既咸檸七既手工調制飲品仲有任食當日時令糖水！