牧羊少年咖啡館 (香港文化博物館)

Open Now

Now Closed

短短兩個月又再次幫襯了，今日抱住想食甜品嘅心情黎食。員工都好nice。今日又好夜先食，所以冇咩人，坐得好舒服。換換口味試鮮忌廉雜菌煙三文魚長通粉，白汁比想像中濃郁，好掛長通粉，十分出色。加上洋蔥、雜菌、煙三文魚，成個通粉都好惹味。白酒香蒜蜆肉意大利粉嘅酒味唔重，本來我會怕酒味而避開呢類意粉，結果酒味唔重所以都食到，差啲成碟食晒同桌人嘅意粉。意粉有咬口煮得絕不馬虎。再叫多次小食拼盤，啖啖肉好好味。不過實在太大份了，最後都係帶返屋企繼續食。水果茶甜度剛剛好，夠晒清新。本日主角京都春日，本來只係以為打卡用，估唔到窩夫俾想像中好食，蛋漿做得好之餘，真係做到外脆內軟。（搞到同桌人又掛住格仔餅喇）雪糕牛奶味濃郁，士多啤梨甜漿好甜好甜，幾搶風頭，對比下真士多啤梨冇咩味咁。整體唔錯，不過佢係兩人份，叫個陣無留意，一上菜個陣有少少嚇親，想叫嘅話記得留意吓～今日太遲黎所以冇晒Apple crumble，下次有機會好想再試！