玉子造屋 (Closed)

成日經過呢間舖頭都冇入去食，琴日終於心血來潮入左去食。入到去既第一個感覺係，間舖唔算太大，但係都係卡位既梳化黎，所以環境都幾舒服。望到個餐牌，其實都同D有咖哩或者玉子飯賣既日式餐廳一樣都係嗰幾味野，唔算太吸引，所以有D揀唔落手，求其叫左個咖哩吉列豬扒飯算。等左成15分鐘先到，有D耐，但係賣相係靚既，個旋風蛋炒得唔錯，唔會好似普通炒蛋咁易散，其餘都係普通咖哩飯咁，冇咩特別。真係貴左D，同埋要加25蚊先有野飲，唔算太抵。