Video
Read full review
2017-06-18
167 views
本身諗住係旺角度搵好野食，點知行行下就去左油麻地，見到一間西餐廳開左係小巷，又唔洗排隊，就同朋友速速入去叫野食。一見到個MENU其實都幾吸引，基於我們太肚餓，所以都冇特別揀，叫左個二人餐。「喃喃自語」餐湯係南瓜湯，筆者一向都嗜南瓜，但呢個南瓜湯就冇想像中咁濃。從賣相黎睇係幾令人饞涎欲滴，有小小綠色香草做陪襯，再加埋兩小法包粒。但飲落我就覺得可以落多小小鹽，再輕輕帶多小小南瓜個味出黎，咁成個湯可以更上一層樓。「猶有餘悸」頭盤叫左水牛城雞翼，MENU上頭盤有好多種類揀，都算係配合唔同客人既口味，有酥炸既香口小食，亦有清淡既沙律冷盤。呢碟雞翼炸得好脆，食落仲係卜卜聲，咬開雞肉後仲有煙散出黎，睇得出係新鮮整既。加上佢淋左個汁上面後，都冇令到個皮林哂，汁都唔算稀，岩岩好，好襯個炸皮。水牛城汁小小甜，又有中中辣味。佢個辣唔你燙口既焰，而係火災後既餘燼，當你吞左落喉嚨後，辣味先會湧上黎，唔會影響你進食既快感，而又提供到辣味，感覺幾特別。「米珠蝦貴」因為友人唔想食意粉，所以就叫左個龍蝦汁大蝦意大利飯，大蝦肉爽口，彈牙，蝦肉唔痴殼，用叉一吉，成舊肉就可以起出黎，未食已經知係新鮮蝦。意大利飯個汁有龍蝦味，
一見到個MENU其實都幾吸引，基於我們太肚餓，所以都冇特別揀，叫左個二人餐。
南瓜餐湯
12 views
0 likes
0 comments
「喃喃自語」
餐湯係南瓜湯，筆者一向都嗜南瓜，但呢個南瓜湯就冇想像中咁濃。從賣相黎睇係幾令人饞涎欲滴，有小小綠色香草做陪襯，再加埋兩小法包粒。但飲落我就覺得可以落多小小鹽，再輕輕帶多小小南瓜個味出黎，咁成個湯可以更上一層樓。
水牛城雞翼
21 views
0 likes
0 comments
「猶有餘悸」
頭盤叫左水牛城雞翼，MENU上頭盤有好多種類揀，都算係配合唔同客人既口味，有酥炸既香口小食，亦有清淡既沙律冷盤。呢碟雞翼炸得好脆，食落仲係卜卜聲，咬開雞肉後仲有煙散出黎，睇得出係新鮮整既。加上佢淋左個汁上面後，都冇令到個皮林哂，汁都唔算稀，岩岩好，好襯個炸皮。水牛城汁小小甜，又有中中辣味。佢個辣唔你燙口既焰，而係火災後既餘燼，當你吞左落喉嚨後，辣味先會湧上黎，唔會影響你進食既快感，而又提供到辣味，感覺幾特別。
龍蝦汁大蝦意大利飯
15 views
0 likes
0 comments
「米珠蝦貴」
因為友人唔想食意粉，所以就叫左個龍蝦汁大蝦意大利飯，大蝦肉爽口，彈牙，蝦肉唔痴殼，用叉一吉，成舊肉就可以起出黎，未食已經知係新鮮蝦。意大利飯個汁有龍蝦味，同時都有小小南瓜味，唔知關唔關飲過南瓜湯事。飯粒係正宗既意大利飯，唔係港式湯飯，佢中間飯粒係有小小未熟透的，食落係有嚼勁，層次明顯又豐富。但可惜只有一小碟，食果陣要好好珍惜每一啖。
美國安格斯西冷牛排
14 views
0 likes
0 comments
「恰到好處」
主菜係美國安格斯西冷牛排，要讚既細心位係，餐廳已主動幫你另上汁，唔會等你食果陣成舊排全部都係汁，都唔知食汁定係食肉。西冷排切落好軟身，軟既感覺唔係來自鬆肉粉，而係煎既火候，成功做到外挺內嫩，鎖到肉汁係入面。我地叫左六成熟，切開時，中間部分係呈粉紅色的，岩岩好，好達標。旁邊有小小配菜，本來以為係普遍既意大利黑醋汁，但原來係有調配過既，除左酸味，仲有小小甜味，果陣甜係小小清新既味道，可能係加入左小小檸檬汁，或者係其他水果果汁，所以食落係幾開胃的。建議先食配菜再食肉。
朱古力雪糕慕士蛋餅 提拉米蘇
10 views
0 likes
0 comments
「買櫝還珠」
最後係甜品，叫左朱古力雪糕慕絲蛋餅，同埋提拉米蘇，兩件甜品都係中規中矩，如果提拉米蘇可以用手指餅代替海綿蛋糕，相信個咖啡味可以更加突出，而唔洗只靠面頭既谷古粉保留咖啡味。朱古力雪糕慕絲蛋餅既朱古力味唔夠濃，反而咖啡味有感喧賓奪主，可能係中間既咖啡慕士不小心做了主角，如果用濃度更高既朱古力去整中間層朱古力慕士，應該可以將呢件甜品升級，為呢一餐昇華。
Post
