查理布朗咖啡專門店 (Closed)

多年來都係人氣爆滿的主題餐廳，過往經常在面書洗板，今日到自己黎潮聖了。餐廳顯得有點舊但氣氛良好，自助形式自己搵位點餐，食物還算多選擇，但價錢絕不便宜，一個飯要九十幾，飲品四十幾，唔點甜品都要百五蚊個人先埋到單，仲係份量超細食完唔飽，無法啦，環境咁靚影返d相都抵返，現場真的不少人用自拍神棍，意外地多陸客，佢地都鍾意史諾比咩？真係唔識啦。叫左個南瓜雜菜紅白米飯，健康到爆，全素，仲要紅米，個汁甜甜好有南瓜味，雜菜真係細粒到睇唔到，只有三四口份量，一陣風食完。仲叫左煙肉卡邦尼意粉，個汁幾傑好黏口，呢碟份量正常返d一般細食女仔應該夠飽。咖啡香甜奶滑，點了最大杯的方便坐耐d，簡單拉花加上可可粉圖案，幾打耳喎。最後黎杯朱古力咖啡，好甜好正好可愛，黎影相呃like啦。