古月

Open Now

Now Closed

古月，連續七年獲米芝蓮推介嘅星馬菜小店，一啲都唔簡單。第一次嚟，樣樣都想試，最後都係決定叫個我未食過嘅招牌辣椒板麵。呢個麵嘅配料好多，包括秘製乾辣椒，江魚仔，溫泉蛋，肉碎，炸蒜粒，蔥粒同埋最邪惡嘅豬油渣粒，將所有配料撈勻麵條食，味道既辣且豐富👍，份量亦多，唯一美中不足嘅，係成碗麵冇肉到肚，對我呢啲食肉獸嚟講，就硬係爭啲啲啦。隨麵附送嘅湯胡椒味較重，入面兩粒魚蛋幾爽滑，不過味道稍為偏甜咗少少。如果覺得個麵太辣，飲呢碗湯都幾可以解辣嘅。加錢叫多杯冰梅橄欖汁，酸酸甜甜，幾解渴，不過味道就有少少怪，好難形容，如果你本身鍾意食橄欖嘅話，可能都會鍾意呢個，我呢，就麻麻啦😂。