The Point - Pizza & Pasta (將軍澳中心) (Closed)

辛苦工作一日，放工要食個下午茶，每次行經呢間店舖都會被呢個Pizza吸引住，所以今日同同事收工黎試下先，當然要叫一份 Banana Heaven Pizza 有烤香蕉，棉花糖，杏仁片，朱古力醬，雲呢拿雪糕。烤過既香蕉佢既甜味會比較出及好香，再加上烤過的棉花糖，表面係金黃色，棉花糖內係溶化又軟綿綿，仲有面層唧上朱古力醬，頂仲有個雲呢拿雪糕球，樣樣都好甜既食物放在一齊以為會甜到漏，點知又唔會，厚厚既Pizza底。熱辣辣既Pizza放一個凍冰冰既雪糕上面，一塊塊既杏仁脆片，層次分明，非常豐富。再叫個 香草蕃茄醬家鄉火雞肉丸長通粉，蕃茄醬酸酸甜甜啱哂我地胃口。火雞肉丸配好多芝士碎同香草，味道十分好。加多份 卡邦尼白汁意粉，半煎炸的煙肉煮得香香脆口，好有咬口。份量唔係太多，下午餐食呢個份量就啱哂。