過橋麵檔

Open Now

Now Closed

山長水遠嚟到元朗，同事介紹有間麵檔幾好食，於是嚟咗過橋麵檔。後來openrice一下先發現原來元朗有兩間同名嘅餐廳，距離都幾近，唔知兩間有無分別架呢﹖同事話呢度嘅霸王雞出名，但我嫌午餐嚟講略貴。本身諗住叫麵食就算，點知比我地見到呢張午餐優惠。反正自己食量唔大，一於試下點樣細份法。份量對女仔嚟講適中，最有趣係佢將啲飯堆到好似金字塔咁。霸王雞唔算辣，雖然帶碎骨，但幾惹味同嫩。菜飯嘅菜都算新鮮，飯粒軟熟。隨餐附送一杯飲品，就算叫百香果茶都唔洗加錢。至於我同事就叫咗咩餸都有啲啲嘅車仔麵，望落幾大份，同迷你霸王雞差唔多價錢。