歸田園居

Open Now

Now Closed

就算係平日都好多人食，坐到爆晒，要等位。有户外、室內座位，坐户外有把大風扇吹住，都唔會太熱。店舖得兩個人手，所以上菜比較慢。小店製作，良心企業，值得等待。老闆(?)見天氣咁熱，送咗杯凍檸茶俾我哋飲。*慢煮雞胸沙律 $98雞胸份量超級多，係7仔雞胸嘅三倍有多，慢煮令雞肉好嫩好滑，好似食緊雞腿肉咁，但又唔會失去雞肉質感同味道。羽衣甘藍做沙律菜底，配番茄仔，加埋油醋，令沙律唔會太澀。水牛奶芝士基本薄餅 $78基本薄餅，乜嘢toppings都冇落。薄脆底，加番茄醬、芝士、番茄片，味道普普通通。鹹蛋黄卡邦尼意粉 $108份量唔少，鹹蛋黃碎配意粉出奇地夾，加埋少少白汁，唔會太鹹，又有鹹蛋黃味，配料仲有菇菌、大量煙肉。