Video
Read full review
2017-09-17
526 views
今年嘅生日係平日，於是自行放左日生日假休息一下。之前見到網上好多人食嘅fluffy pancake，一直都好想試，今日係閒日終於可以唔洗輪住米咁去食。當然，有人早有準備一早就訂定位食個悠閒嘅午餐啦。平日嘅午飯時間唔算太多人，可以坐得舒舒服服。呢度話晒都係一個高級商場，食物就唔會特別抵食。兩個人叫左兩個午餐同埋一個pancake，挑戰一下我地兩個個胃。 每個餐包左餐湯/沙律，我地例牌餐湯同埋沙律各揀一個。首先上餐湯、 沙律，今日嘅餐湯係粟米湯，個湯碗好似大左少少。沙律同埋餐湯嘅味道正常，無咩特別。青檸橄欖油蟹肉蕃茄意粉味道唔錯，有濃濃嘅青檸味，一入口好有泰國feel。青檸味加少少香辣嘅味道。意粉上面加左d蟹肉，撈埋蕃茄一齊食味道唔錯，而且呢個意粉嘅材料有好多顏色，都幾吸引食慾。椰香喇沙燒春雞配雜菜&炒薯仔都幾有驚喜，燒春雞好嫰，配埋喇沙椰香汁好惹味。墊喺底嘅薯仔加少少喇沙汁一齊食都好好食。佢個汁味道唔算好濃但係好香口。雖然已經飽左8成，不過我地都堅持要食Pancake。今次揀左 tiramisu味，上網見大部份都係食tiramisu 味，我諗應該無咩伏嘅。Pancake 上枱果然係賣相好
兩個人叫左兩個午餐同埋一個pancake，挑戰一下我地兩個個胃。 每個餐包左餐湯/沙律，我地例牌餐湯同埋沙律各揀一個。首先上餐湯、 沙律，今日嘅餐湯係粟米湯，個湯碗好似大左少少。沙律同埋餐湯嘅味道正常，無咩特別。
青檸橄欖油蟹肉蕃茄意粉味道唔錯，有濃濃嘅青檸味，一入口好有泰國feel。青檸味加少少香辣嘅味道。意粉上面加左d蟹肉，撈埋蕃茄一齊食味道唔錯，而且呢個意粉嘅材料有好多顏色，都幾吸引食慾。
青檸橄欖油蟹肉番茄意粉
28 views
0 likes
0 comments
椰香喇沙燒春雞配雜菜&炒薯仔都幾有驚喜，燒春雞好嫰，配埋喇沙椰香汁好惹味。墊喺底嘅薯仔加少少喇沙汁一齊食都好好食。佢個汁味道唔算好濃但係好香口。
椰香喇沙燒春雞配雜菜&炒薯仔
25 views
0 likes
0 comments
雖然已經飽左8成，不過我地都堅持要食Pancake。今次揀左 tiramisu味，上網見大部份都係食tiramisu 味，我諗應該無咩伏嘅。
Tiramisu on pancakes
66 views
0 likes
0 comments
Pancake 上枱果然係賣相好靚，女仔見到好難唔心心眼嘅。樣幾靚都好，都要試下好唔好食嘅！
呢個梳乎厘pancake 好鬆軟，我第一次食呢個類型嘅pancake，好特別。口感係梳乎厘，但係佢係一個放耐左都唔會扁嘅梳乎厘質感。外表似一個厚身pancake，不過都唔好睇少呢個pancake，食落都真係幾飽。
Pancake好有蛋味，又夠鬆軟，而且糖漿仲分開上，可以隨住自己嘅喜好自己加。
食完甜品，成個人心情都靚晒，pancake果然係呢度必食嘅招牌菜。
Post
