Ramie

Open Now

Now Closed

見到新開，又有朱古力，又有咖啡，咁就去試下。去到間cafe，發現室內空間其實好細，計埋出面兩個位可能頂盡都係得十五六個位，咁啱嗰日係假期，都坐得多人，亦都有人等位，叫嘢飲嘅位置亦都係出入口嘅主要通道，所以我問咗3款朱古力係邊3款，就即刻決定，所以冇睇清楚其實仲有啲乜嘢其他飲品或者食物。如果一間cafe有三款朱古力，仲要係唔同產地嘅，理論上係一定係好飲。今次我叫嗰個係越南嘅朱古力，味道好好，唔會太甜，亦都好有朱古力味，店員亦都好有耐性咁介紹應該要點樣飲個朱古力。老實講，有三款朱古力，我最多可能只係黎三次就算，環境係特別，不過唔係話坐得好舒服，見到其他人等位亦都唔好意思坐太耐。希望呢間cafe唔好太快執啦。