源味開元米線 (Closed)

餐廳裝修簡簡單單，夠晒光猛，牆壁壁畫帶點復古，夜晚人流較多。一共有4種魚類選擇，價錢中等，經過一輪選擇我地揀咗海鱸魚！香辣烤海鱸魚叫左微辣，因為唔係太食得辣。魚唔算好大條，不過都够食。上枱時魚已開邊，唔算有太多細骨，魚嘅肉質算嫩滑，其他嘅配料亦吸收了湯底的精華。一開頭食唔算太辣，但真係越食越辣！另外仲叫左四款配菜，手工麵、金針菇、寬粉同豆卜。只需加$59，有齊四款唔算特別貴。值得推薦嘅係手工麵，食落唔易斷，彈牙。霸氣百香果感覺清新，唔會太甜，飲落幾舒服，可舒緩一下辣味。