天下糧倉牛肉火鍋專門店

Open Now

Now Closed

牛魔王比示滿意的牛肉火鍋放題，天下糧倉牛肉火鍋專門店，湯底有十多款，我們選擇潮汕牛骨湯，湯底本身有牛肉味，會令牛肉火鍋更突出，牛肉有八款之多，如無特別要求會先送上牛肉拼盤，可一次品嚐全部八種牛肉。澳洲M7和牛、Prime牛板腱、安格斯牛肩胛、封門柳、牛脷片、鮮滑牛肉、澳洲和牛金錢展、一級肥牛，我地好快食晒成個拼盤，各樣牛都唔錯，牛脷片爽脆，一級肥牛脂肪最多油香最重，我個人最鍾意係金錢展同M7和牛，我覺得係最好食，另外各種牛肉都切得好薄，打邊爐係一流。火鍋配料選擇都唔少，蔬菜都有好多種，除一般配料，比較特別係有煙鴨胸、鵝腸豬頸肉同沙薑雞翼，原來打邊爐好好食，首推沙薑雞翼，估唔到好入味，煲好耐裏面仲有濃厚沙薑味。有多款飲品可供飲用，仲有多達十幾款雪糕，牛肉火鍋放題完成後可進行雪糕放題。一個價錢多款選擇，價錢實惠。