PizzaExpress (奧海城三期)

Open Now

Now Closed

今日去咗奧海城玩具反斗城，因為喺第三期，所以就集中去第三期搵食。我都好耐未試過去PizzaExpress食晚餐，今日就同屋企人去試吓。我哋喺餐牌揀咗一個意粉，一個Pizza，同埋甜品。第一個主菜係肉醬千層闊麵，呢個主菜真係要俾100分，麵質好靚，仲有好多肉醬，食每一啖都覺得好幸福。蜜糖雞肉pizza，雞肉配上車厘茄再加上芝士，真係超級match。之後就係心太軟，依個就非常失望。原本餐牌寫明配雲呢拿雪糕，但係上碟係朱古力雪糕，當朱古力蛋糕遇上朱古力雪糕同埋朱古力醬，真係非常甜，係甜到要一路飲水嗰種，所以依個非常失望。不過座位真係好寬敞，我哋5:30去到，俾咗一張四人梳化位我哋，真係坐得好舒服。