The Luxe Seafood Bar & Resto (Closed)

是咁的，旺角朗豪坊果間平時排到痴線，啲人攞野食好似去搶咁，但呢間完全無人排就去食。好喇黎得當然食蠔，蠔回得快，人排隊有規矩（太好了），野食多過旺角果間，不過點解咁多都係羊，羊腩，燒羊扒，羊架。。。有熱食有飯麵，也有甜品，凍食呢就係門口果堆沙律菜同沙律。熱食普通（預左啦），沙律ok，凍食有三文魚刺身（一瞬即逝），青口、螺肉、蝦幾好既，反而一心黎食既蠔呢就普通，啲碎殼多到呢，同埋蠔唔甜無乜味，好在叫新鮮，如果要求唔高旨在在食係抵食既，不過我同男朋友仔食左半個鐘（佢只係食左兩碟就坐左響度唔郁）已經玩電話，一個鐘未夠已經埋單走人，隔離枱碌大眼望咁快停手哈哈，人地唔個點解有平但我地無，埋單兩人好似$570（唔係我埋單乜都唔知）