龍鳳號 (Under Renovation)

以前食過，記得唔錯，就再食多次👻有個姐姐服務態度好好，主動問我地洗唔洗比多隻碗，上菜個陣又幫我擺好啲，話影相靚啲肉燥乾拌麵 個人好中意啲肉汁，麵又唔會乾身，份量都岩岩好。大腸麵線 大腸唔會油膩，皮都唔會太厚，半肥半瘦咁。呢個湯底相對較濃，比起拌麵重口啲，但整體都唔錯。鹽酥雞 炸得夠乾身，夠脆，份量都算多👻龍鳳豆花 估唔到呢間有埋糖水，睇相呢個最吸引就嗌黎試試。有凍/熱，我地嗌左熱，好彩都系微暖，豆腐底暖暖地，上面配料系凍既。有紅豆，綠豆，芋圓。紅豆甜過綠豆，加埋糖漿，就好甜，嗜甜既人應該覺得唔錯。豆腐底就唔甜，所以夾埋一齊食就岩岩好中和番。