必勝客

Open Now

Now Closed

都有好一段時間冇嚟過Pizza Hut，因為老婆用Yuu會員積分換咗張葡汁雞皇焗飯coupon，所以今日嚟食個午餐。我哋叫咗兩個午餐1）大蝦菠菜芝士Pizza配忌廉雞湯 $692）香蒜肉絲意粉配凱撒沙律 $49大蝦Pizza果然絕不欺場，四大隻蝦🦐放上面，每件都食到彈牙爽口大蝦。波菜又多，感覺食得好健康🤣。香蒜肉絲意粉，蒜味非常香濃，材料有肉粒、雜菜、火腿、磨菇等，意粉煙靭有口感。唔怪得咁多人話一食難忘，仲要返屋企學煮。免費贈送嘅葡汁雞皇焗飯都好好味，葡汁又多又香濃，雞肉大大件，配上顏色鮮豔嘅三色椒，高纖爽甜。久別重臨，感覺食物味道有所進步，可以再度惠顧。