Video
Read full review
2009-01-23
23 views
22-1-2009都成兩三年無幫襯過魚一丁, 呢日一行 5 人訂定檯0黎 dinner, 新0野舊0野都試了 d, 印象比以前好好多!:- 一丁拉麵沙律: 一眼睇晒係拉麵 + 雞絲 + 蕃茄粒 + 生菜, 配另上的 dressing (賣相同味道都好似 thousand island, 唔知係乜來的?), dressing 幾開胃, 拉麵就煙韌彈牙, 但帶點鹼水味, 可惜. 不過整體都係唔多識欣賞...- 日式煎蛋卷: 印象中以前呢樣質素參差得很, 一係水汪汪, 一係乾爭爭又帶(火羅)味, 但呢日的做得好好 -- 熱辣辣, 厚厚的, 質地軟熟, 汁液夠, 蛋香濃郁, 我好唔客氣地食了兩件!- 天婦羅烏冬: 天婦羅炸漿厚度可以接受, 炸得脆口, 不過都真係幾油0下; 試了半隻蝦, 肉質彈牙結實, 係幾新鮮的, 不過三河屋的 (http://www.openrice.com/restaurant/commentdetail.htm?commentid=1947790) 好食 d 喎; 又試了件蕃薯, 夠甜但唔夠粉, 可惜. 湯烏冬反而不錯, 食落煙煙韌韌, 似乎係「手打」?- 日
都成兩三年無幫襯過魚一丁, 呢日一行 5 人訂定檯0黎 dinner, 新0野舊0野都試了 d, 印象比以前好好多!:
- 一丁拉麵沙律: 一眼睇晒係拉麵 + 雞絲 + 蕃茄粒 + 生菜, 配另上的 dressing (賣相同味道都好似 thousand island, 唔知係乜來的?), dressing 幾開胃, 拉麵就煙韌彈牙, 但帶點鹼水味, 可惜. 不過整體都係唔多識欣賞...
- 日式煎蛋卷: 印象中以前呢樣質素參差得很, 一係水汪汪, 一係乾爭爭又帶(火羅)味, 但呢日的做得好好 -- 熱辣辣, 厚厚的, 質地軟熟, 汁液夠, 蛋香濃郁, 我好唔客氣地食了兩件!
- 天婦羅烏冬: 天婦羅炸漿厚度可以接受, 炸得脆口, 不過都真係幾油0下; 試了半隻蝦, 肉質彈牙結實, 係幾新鮮的, 不過三河屋的 (http://www.openrice.com/restaurant/commentdetail.htm?commentid=1947790) 好食 d 喎; 又試了件蕃薯, 夠甜但唔夠粉, 可惜. 湯烏冬反而不錯, 食落煙煙韌韌, 似乎係「手打」?
- 日式芝士煙肉年糕: 叫來「應節」的, 朋友們真可愛 年糕落芝士, 煙肉, 薯仔及南瓜焗, 幾香口又好黏口黏碟, 不過本身唔係太鍾意日本年糕, 唔講太多了.
- sukiyaki: 朋友 P 的推介... 只食了兩塊牛肉, 幾肥, 一般嫩, 但又幾香幾濃肉味喎; 豆腐好滑溜, 豆香十足, 索了湯後就當然多一份油香及層次. 睇0黎 d 菜應該仲好食, 可惜唔夠搶啦.
環境都係咁, 典型輕鬆居酒屋格局, 傾偈一流; 招呼就無乜特別.
連加一每人約 $110, 雖然食唔飽, 但食物不錯, 價錢合理的. 下次0黎再試試其他熟食吧 -- 好想試佢條「蚊香」腸及清酒煮蜆!
Post
