越興苑越南美食菜館

Open Now

Now Closed

有間差唔多名既越南河係同區，千其唔好去錯呀，質量差天共地。轉眼已有七八年無黎喇，仲係嗰位經理喎，真長情。依度雖然舖位細細，但都算坐得舒服啦。師父啲小炒、雞飯同牛河都幾好，服務招乎都幾好，價錢都幾好，唔錯架喇 ~生牛肉金邊粉，總之唔轉金邊粉啦，記錯左早年食開啲咩。雖然口感好棉，但今次好碎呀，總之食河粉好過。牛肉味濃，雖未至於話非常嫰滑，但味道好好，湯底真材實料用牛骨牛肉餚製，好香好甜，飲到一滴都無呀，絕無味精。勁落椒天指同鮮青檸，香辣開胃。蒜蓉炒白菜仔，鮮嫰多汁清甜又爽口，少量鹽少量蒜蓉已足夠，簡單既一碟小炒，食出師父既手藝，好好味。