味口福 (Closed)

對上一次食味口福已經係太安樓年代，今次約了久違嘅朋友，選擇咗久違嘅餐廳以前太安樓係得一張枱嘅企位可以食嘢，自從去咗灣仔就開始有座位，嚟到筲箕灣都係有位坐雖然係快餐店式嘅先買飛後食嘢，但係齊人之前，店員都唔介意畀我哋坐低先一路等一路睇餐牌，齊人就買嘢食，之後就吹水等食嘢相比以前太安樓，最大唔同係多咗飯食，而且仲好快有得食，但係一埸嚟到，我就當然揀漢堡包食啦！厚炸巨型洋蔥雞堡（跟餐$47，凍飲加$2）呢個包一上枱嗰陣，我真係畀個尺寸嚇親，如果冇洋蔥個 size 應該同普通嘅包差唔多，就係因為有塊同塊雞扒差唔多大嘅洋蔥，令到成個包即刻大咗唔少，我要壓扁個包皮先食到同行人士一睇就睇得出包皮係烘過，我咬落去都感覺到脆嘅感覺（當然唔係非常脆嗰隻，係微烘嗰類）而雞扒個人覺得煎得比較熟，有啲似食雞扒麵嘅雞扒表面睇唔出嘅蜂蜜醬，一食落就發現原來入面收埋唔少，彌補翻因為雞扒嘅熟而帶嚟嘅口乾感覺塊芝士比較硬身，食落係 feel 到成塊咁樣，如果可以熱小小令到佢融化小小，口感就會更加好整體嚟講一啖就有幾種味道，係幾有趣嘅一個包另外都叫咗一個小食拼盤（$48，冇圖 sorry）三個人分，有雞翼、洋蔥圈、薯條等等