Video
Read full review
2009-08-23
1 views
為慶祝媽媽生日, 加上之前用信用咭積分換咗 $300 怡東dinner voucher, 是日一行三人嚟咗呢度食buffet第一次嚟, 連加一要成四百幾蚊一位, 所以對呢度都幾有期望dinner buffet 由 6 點到 9 半, 我地 6 點半到buffet 包一杯果汁同一杯餐飲, 我要咗菠蘿汁, 以地捫菠蘿糖水.......是晚食得最多係生蠔, 因為好似比較容易回本生蠔有 3 款, 2 款係法國, 另一款係澳洲法國最好食, 其中一款好爽, 澳洲啲肉較散, 但整體而言啲蠔偏瘦同細隻, 但總算由開場供應至散場, 質量較好的法國當然去得最快, last 一個鐘只有澳洲供應3 個人吃了大約 40 多隻, 其中有幾隻澳洲蠔已變味, 其實開蠔的師傅應注意才對......要挑剔是開蠔的兩位師傅眼見法國蠔個盤已清, 但仍只開澳洲蠔 (當時澳洲蠔的盤仍半滿)我喺佢地面前待咗一陣, 到我開口問法國蠔是否已經售罄才肯開, 個人認為兩位師傅應懂得因應需求而開蠔冷盤方面, 三文魚刺身好新鮮, 有魚味, 而且切得好厚身, 好有口感, 但我唔敢食得太多, 廢事食飽咗冇胃口試其他嘢吞拿魚最把鬼, 完全冇魚味沙津
第一次嚟, 連加一要成四百幾蚊一位, 所以對呢度都幾有期望
dinner buffet 由 6 點到 9 半, 我地 6 點半到
buffet 包一杯果汁同一杯餐飲, 我要咗菠蘿汁, 以地捫菠蘿糖水.......
是晚食得最多係生蠔, 因為好似比較容易回本
生蠔有 3 款, 2 款係法國, 另一款係澳洲
法國最好食, 其中一款好爽, 澳洲啲肉較散, 但整體而言啲蠔偏瘦同細隻, 但總算由開場供應至散場, 質量較好的法國當然去得最快, last 一個鐘只有澳洲供應
3 個人吃了大約 40 多隻, 其中有幾隻澳洲蠔已變味, 其實開蠔的師傅應注意才對......
要挑剔是開蠔的兩位師傅眼見法國蠔個盤已清, 但仍只開澳洲蠔 (當時澳洲蠔的盤仍半滿)
我喺佢地面前待咗一陣, 到我開口問法國蠔是否已經售罄才肯開, 個人認為兩位師傅應懂得因應需求而開蠔
冷盤方面, 三文魚刺身好新鮮, 有魚味, 而且切得好厚身, 好有口感, 但我唔敢食得太多, 廢事食飽咗冇胃口試其他嘢
吞拿魚最把鬼, 完全冇魚味
沙津我冇掂過, 因為懶得撈, 但見到啲菜好新鮮, 醬汁選擇亦多
另外仲有啲泰式沙津如木瓜沙津, 個賣相唔錯
煙三文魚ok, 煙生牛肉冇咩味
仲有一邊好似係食越南嘢, 我試咗一件越南春光卷, 凍食的, 味道ok
另外仲有龍蝦仔, 青口, 蟹腳, 翡翠螺, 蝦, 其實幾多選擇
不過我試咗一隻蟹腳, 係幾有肉, 不過得個咸字
熱盤都ok, 我比較喜歡羊鞍同日式焗魚, 個魚係牛油汁焗, 應該係鱈魚之類, 好香好滑
燒牛肉只是一般, 味道唔覺特別出色, 個豬就開頭好味啲, 因為有啲肥肉同筋
舊肉切到中間全部都係淨肉, 比較乾, 所以都冇再拎
燒雞亦好好味, 個皮好脆, 义燒夠肥
仲有其他熱盤如炒青菜, 海鮮炒西蘭花, 西蘭花有點黃, 但味道ok
其實我幾欣賞 "烚" 嘢食個檔位, 即係煮下菜, 牛肉... 諸如此類嗰個位
因為佢個湯係 "喇沙" 湯底嚟架! 幾濃幾好味, 多啲香草仲正, 好過用清湯
甜品選擇中西式都有, 中有豆腐花, 比較特別係芝麻豆腐花, 另外仲有木瓜雪耳
西o既選擇比較少, 可能因為我出得去遲
有芒果cheesecake, 幾好味, 仲有朱古力同白朱古力噴泉
朱古力勁好味, 唔太甜, 朱古力味濃, 而且好 "傑", 點士多啤梨食好好味
白朱古力我冇試, 另外木槺布甸一般, 似燉蛋多啲......
我見到仲有即叫即整窩夫同pancake, 不過我冇試, 因為已經好飽.....
埋單連加一減咗 $300 cash voucher 要 $947
其實又唔算好貴, 間唔中豪一次都ok o既
Post