Vici Restaurant & Bar (Closed)

之前限聚改到去9點，朋友即約happy Friday,咁拿拿聲搵個地方又有野食又有野飲，之後就搵左呢間vici bar，即book位，掂!兩條友到達後就睇下menu落單，朋友想叫hoegaarden點知無貨，我叫左個EDELWEISS，來到試左朋友話OK點多一杯，酒香果味濃易入口，對於少飲酒既我真唔錯，仲有咸爆谷(留意有收費，不是送)，之後就落order叫野食叫左個黑松露薯條，即炸熱辣辣好味朋友話想食白汁海鮮意粉，來到以為好細份，其實都好大份，陣味都好好食，係我意料之外三重芝士pizza,餅底係薄身餅底，芝士好多，但可能太多芝士變左中間濕左少少，同唔夠燶咁，但味道ok.雜錦德國腸，有4款味道，全部都好食最終我地2條友都食唔曬，其實我叫多左，最後都拎返home整體野食同飲品都唔錯，只係時間太短，希望疫情盡快了結，營業時間可以正常返🙏🙏🙏。