Assaggio Trattoria Italiana (Closed)

好耐好耐… 好耐都冇見我啲朋友了！是晚黎到灣仔既 Assaggio Trattoria Italiana，原來最近新推出龍蝦牛扒 menu，似乎好豐富喔～ 由於我早到一步，所以先黎一杯冇酒精既 cocktail，仲有試試吧檯嗰邊既幾款小食。頭盤前先有一籃 homemade 麵包，非常不錯。其中好鍾意自家製既番茄包包！然後就有「Lobster Catalana Salad」，以西芹，紅洋蔥，肉質滿滿既連殼龍蝦肉同檸檬汁調味。另外有好豐富，好飽肚既「Traditional Minestrone Soup」，非常多豆同薯仔粒！主菜方面，我地大家一齊點晒龍蝦意粉同肉眼扒。前者好重牛油蒜味，意粉亦好 al dente；後者既 prime rib 肉質非常鮮嫩，有一定油脂，非常香。當然唔少得 side dish 既熱辣辣薯條啦！最後就係「Dessert Platter」。其中有我最愛既 tiramisu，義大利傳統做法，以生雞蛋同 mascarpone cheese 打成，濃濃滑滑，好滿足喔！