青咖喱屋

Open Now

Now Closed

以前響黄竹坑嗰頭做嘢，食晏都幾麻煩，雖然話工廠大廈入邊有好多嘢食，但試過幾次非常伏之後，唔係帶飯，就要去香港仔食。不過每星期最少食一次嘅就係響黄竹坑熟食巿場入邊「咖喱屋」嘞！今次難得有機會又入去黄竹坑，就帶埋啲同事去熟食巿場食。之前入邊有起碼三間食泰國菜嘅餐廳，今次去好似有間執左，而「咖喱屋」係我認為 (食泰式粉計) 勝價比最高嘅一間。而且我係唔厭悶地每次都係叫冬陰功湯底金邊粉雞肉札肉嘅。今次當然唔例外，冬陰功湯底酸辣平均，雖然好偶爾係會覺得辣得滯，但平均黎講係唔會太辣，所以次次都係飲湯飲到見底。金邊粉同其他配料係普通啦，有同事話香茅雞扒同海南雞飯都好食喎。一個粉加杯跟餐凍飲都係$40，實在係好化算。不過夏天去係會熱啲(係無冷氣嘅!!!) ，老老實實就唔好諗住係去一般餐廳咁食嘅心態。同埋一點半之前都係超級多人嘅。所以唔就啱時間去就實要等位。