京滬佳餚 (Fashion Walk) (Closed)

好耐冇食片皮鴨，所以決定揾下銅鑼灣有咩餐廳有片皮鴨食，見好多人都推介呢間，就同姊妹們一齊去試吓。醉雞嘅皮都算爽滑，肉唔老。肴肉好香醋味，食落厚實，好開胃。糯米燒賣，皮薄餡靚，糯米餡軟香糯，香氣十足。雲吞雞味鮮甜，飲落口係feel到膠質。沙律蝦球很驚喜，炸過嘅蝦保持到蝦彈牙爽口嘅質感，配上楊枝甘露調製嘅醬汁，酸甜開胃，再加上炸過嘅外皮，食落脆卜卜，口感豐富。重頭戲嘅片皮鴨，鴨皮酥脆肉滑，加上薄而唔油嘅皮同配料，油香十足，但未令人驚艷，只能說滿足左我對片皮鴨嘅渴求。小籠包的確很多湯汁，可惜我一夾上手就穿咗，只能夠飲到少許嘅湯汁，肉汁都算鮮甜，不過不失。