甜在心 (Closed)

今晚一大班人放工之後去咗佐敦嘅一間糖水鋪，唔知食邊間嫁，所以見到地方唔錯就行咗入去啦。甜在心～我地入到去叫咗我地嗰個都想食嘅楊枝甘露，而其中一個朋友叫咗楊枝甘露加芒果布甸！嗰楊枝甘露不過不失，唔會話有太重奶味，但係又唔太重嘅芒果味！不過都幾足料嫁，啖啖都係芒果肉，所以都唔會話好甜。而個芒果布丁，當然都係啖啖果肉啦，再加上凍冰冰嘅楊枝甘露係絕配。環境唔錯，入到去唔需要等，雖然係細細間，但都有大枱啱哂6-7個人嘅聚會。亦都有2個人嘅沙發位，好啱情侶去嫁！我同班朋友最中意嘅除咗甜品，係佢地啲座位！可能係番工企得耐，一坐咗上去，軟綿綿咁好舒服！