新羅寶韓國餐廳 (利舞臺廣場)

Open Now

Now Closed

見自己咁耐冇試過韓國菜，咁就搵左一日全家一齊出去食啦。黎到呢間係銅鑼灣嘅韓菜店，我地一早已經訂左枱所以有得直接入去。一坐低見到枱上嘅餐具都係睇韓劇見到人地用果d餐具黎，不禁笑左出黎。我地叫左去韓式餐廳必點嘅泡菜炒年糕，同韓式炒魷魚，兩樣菜都係用好相似嘅醬料去炒，味道係幾夠嘅，都幾入味，同埋佢係比較偏向韓式嘅，不過就真係幾辣。另外我地仲叫左個泡菜牛肉鍋，睇佢個鍋好大，但係其實好淺嘅，不過都算夠嘅。佢入面有好多配料，有再次出現嘅年糕。呢一鍋算唔錯，連d湯都可以飲埋，淨係食呢鍋都飽喇。雖然我個人唔係好食得辣，但係難得一次韓國菜無所謂啦，同埋佢地係辣得黎好食嘅。