久久

Open Now

Now Closed

上次去中環街市買沙律見到呢到裝修緊，今日經過原來開咗台灣菜，太耐冇食，我哋就睇吓餐牌就坐低叫，下午茶性價比好高。久久麻辣牛三寶$98有牛腱心，牛筋，牛肚，炆得好入味，味道少少辣辣地幾開胃，牛腱心口感軟林，牛筋爽口彈牙，牛肚煙韌可口，另外酸菜很好食，酸酸甜甜好開胃。久久紅燒牛肉麵$58牛肉煮得剛剛好入口幼滑爽口，湯底龍肉牛肉味，牛肉口感煙韌。士林鹽酥雞$46鹽酥雞炸到香脆，一咬開好多汁，雞肉嫩滑。古早芋泥三色芋圓$38芋圓煙煙韌韌，仙草爽滑，芋泥香甜，好好味。