古早牛肉麵 (Closed)

同朋友去開深水埗睇電腦野，順便係附近食埋晚餐。見到呢間search下又幾多好評，加上好耐冇食台灣菜，就決入去試吓！門面同室內裝修簡約舒服，衞生不錯。時間尚早所以唔多人，坐多陣就開始多客。餐牌好多小食選擇，所以決定唔叫主食，試多幾款小食先🤣-蚵仔麵線-雖然我好鍾意食台灣野，但其實係我第一次食蚵仔麵線，因為同行朋友好想食🤣份量很足，食咗幾啖覺得都不錯，不過大部份還是留返比朋友慢慢嘆😆-綜合甜不辣-煙煙韌韌幾香口，好食，加埋個醬酸酸甜甜幾正👍🏻-肉燥燙青菜-賣相不錯，顏色翠綠，幾爽又清甜。-炸花枝丸-好耐冇食花枝丸啦，夠彈牙😋咁多碟最鍾意呢一款呀-滷蛋豆腐干-呢碟就不過不失-起司蛋手抓餅-本身勁鍾意食蛋餅同手抓餅，呢一碟係佢哋嘅結合版。雖然蛋味唔算濃，但手抓餅夠脆，放耐左都唔會淋，讚👍🏻裏面仲有勁多菜，足料。今餐真係眼闊肚窄，叫咗勁多嘢好飽🤣整體都算唔錯，最緊要價錢合理同埋服務好好禮貌😊