意粉屋 (翡翠明珠廣場)

Open Now

Now Closed

朋友join左spaghetti house member，有張$80既coupon，所以就去左食喇。仲記得細個讀書果陣成日都食，黎到有種懷緬既感覺。店内裝修都幾靚既海蝦羅勒番茄湯 - 正正常常既番茄湯，隻蝦都幾大隻。龍蝦鉗肉牛油果柚子沙律 - 龍蝦鉗咬落去啖啖肉，而且好有鮮味。牛油果食落軟軟地，好好食。仲聽到隔離枱特登叫呢個沙律係為左個牛油果，可見呢度既牛油果係好出色。加埋柚子酸酸甜甜咁，都幾開胃。芝士焗肉醬千層闊麵(牛肉) - 仲記得細個成日叫呢個麵食，宜家一樣都係好多芝士，多到可以拉絲，哈哈正。可惜個麵焗得有少少乾，可能焗耐左dd，不過都唔係好大問題既。其實整體都ok既，間唔中食下都唔錯。