大滿喜日本料理 (Closed)

如友人相約在觀塘，好耐冇食過放題，今次我哋決定搵一間就近觀塘嘅平價放題我哋六點左右嚟到大滿喜，可能時間尚早，仲未滿座。見到環境都好闊落兩個人都可以坐卡位！餐牌都好多選擇，我哋見到都好興奮！黎食放題，第一件事當然是叫刺身盤刺身盤黎得很快，我哋等左一陣就送咗上嚟！我哋原本都好肚餓，因此感到很開心刺身盤出色，份量足料，而且都新鮮！另外我哋都叫咗啲熱食，以下係比較出色嘅熱食。我本身好鍾意食牛舌，呢個牛舌灑左啲七味粉，辣辣地咁，很不錯所以我哋都有encore再叫。呢個牛肉火鍋煲都好豐富，送上黎嘅時候熱辣辣，食完刺身再食暖野剛剛好而且佢又有生菜又有金菇，我本身好鍾意食菜，所以啱晒。食完所有嘢最後一定要食甜品，呢度好好呀有我最鍾意食嘅韓國雪條！！呢個蜜瓜味韓國雪條係好好食，所以見到真係好開心。