至尊滿屋日本料理 (Closed)

已經好耐好耐好耐無食過放題了，起碼要4個人先有機會食到既放題今次終於約到多少少朋友一齊食今次就大家既腳，揀左旺角瓊華呢間放題食。野食黎既速度都算快首先開頭必食既肯定係刺身，三文魚比較厚身，蝦比較彈牙壽司都係普通偏細舊，一啖放入口。就甘食三文魚腩壽司就食得多，見到有款加左蜜糖芥末既三文魚腩壽司，覺得幾特別，重要係推介所以想睇下夾唔夾。意外地又唔錯，酸酸甜甜，再加埋三文魚腩，好刺激個味蕾焗蠔有少少失望，size偏細，但上面既醬好多，感覺無點食到蠔甘。食肉獸表示要食好多牛柳粒，雖然有少少偏肥，但肉好嫩同埋加上d蒜好香。朋友餓到要食個鍋，湯底好濃，個鍋可以2個人share食。值得一講既係，呢到竟然有梅酒同清酒飲。梅酒偏酸好開胃，清酒唔算太濃，都易入到口，不過就要趁佢熱飲，如果放凍左就會難入口d同朋友們全晚就淨係飲酒，都無飲到其他飲品。