新廣發 (Closed)

食新廣發已經食左幾年，見呢排天氣涼左即刻再黎。坐落姐姐問要咩湯底，要左沙爹。以前有鴛鴦的而家冇左。急不及待出去攞野食，同之前食開差不多但冇左蜆。肥牛質素參差，一時太肥一時肥瘦適中。基本大路野都有，雞脾菇大大塊好爽口，午餐肉麻麻，中意食海鮮既有蝦同蠔。另外亦有野飲任飲，都係大路汽水同蜜桃汁，以前有jollysandy而家冇左。提示一句呢度係冇響鈴的。埋單85一個人再share一個爐48，total3人每人101。黎得食就唔好預有幾好服務，好多野都要自己黎，不過今時今日香港地仲有呢個價呢個質素已經唔容易，所以就算遠都會特登過黎食。