Video
Read full review
2022-11-10
2189 views
算一算也有好幾年沒有喺中式酒家打邊爐，今晚有機會去返傳統酒樓吃火鍋，絕對有懷舊熱鬧嘅氣氛~環境唔錯，地方寬敞，入座不久已經全場滿座。每個角落都可以睇到電視，遲啲世界盃開羅更加係睇波開餐好地點😊飲品方面，有幾款汽水、樽裝茶，餐酒，啤酒。雖然不放雪櫃但本身夠凍，另有冰粒和桶提供，直程好似落咗酒吧，飲一兩round 都已經值回票價。還原基本步，剔紙仔揀食物。火鍋配料差不多有成百種（排序去到99😁），是有點超出預期。淨係海鮮類、魚等都有多款選擇。揀了鴛鴦鍋底「芫荽皮蛋併粟米甘筍」，芫荽皮勁香，有大量皮蛋，簡單美味！入座先送上每枱一客是日海鮮，今日有海蝦和廣島蠔。食物好快就送上。海鮮、魚類似乎是強項，分別點了：🐟生劏龍躉件，絕對新鮮，而且每枱都會叫。龍躉片大大件，肉質雪白，魚味香濃，龍躉皮更加煙煙韌韌充滿膠質，非常美味。再encore嘅質素都係一模一樣👍🏻🐟脆鯇魚片，夠實淨，魚肉爽脆。🐟生魚片，比較滑，魚味香甜，小心都有細骨。🐟鮮魚頭雲，新鮮唔腥，件件都有肉。🐟 鮮魚鰾，坊間比較少有嘅火鍋料，記得篤穿先好淥，口感特別，外軟內脆！🐟花膠，夠厚呈筒型，味道唔錯唔會腥。象拔蚌片，屬於軟腍，煙靭質感而非
算一算也有好幾年沒有喺中式酒家打邊爐，今晚有機會去返傳統酒樓吃火鍋，絕對有懷舊熱鬧嘅氣氛~
環境唔錯，地方寬敞，入座不久已經全場滿座。每個角落都可以睇到電視，遲啲世界盃開羅更加係睇波開餐好地點😊
飲品方面，有幾款汽水、樽裝茶，餐酒，啤酒。雖然不放雪櫃但本身夠凍，另有冰粒和桶提供，直程好似落咗酒吧，飲一兩round 都已經值回票價。
還原基本步，剔紙仔揀食物。火鍋配料差不多有成百種（排序去到99😁），是有點超出預期。淨係海鮮類、魚等都有多款選擇。
芫荽皮蛋併粟米甘筍
78 views
0 likes
0 comments
入座先送上每枱一客是日海鮮，今日有海蝦和廣島蠔。食物好快就送上。
生劏龍躉件
82 views
0 likes
0 comments
海鮮、魚類似乎是強項，分別點了：🐟生劏龍躉件，絕對新鮮，而且每枱都會叫。龍躉片大大件，肉質雪白，魚味香濃，龍躉皮更加煙煙韌韌充滿膠質，非常美味。再encore嘅質素都係一模一樣👍🏻
🐟脆鯇魚片，夠實淨，魚肉爽脆。
生魚片
21 views
0 likes
0 comments
🐟鮮魚頭雲，新鮮唔腥，件件都有肉。
🐟 鮮魚鰾，坊間比較少有嘅火鍋料，記得篤穿先好淥，口感特別，外軟內脆！🐟花膠，夠厚呈筒型，味道唔錯唔會腥。
象拔蚌片，屬於軟腍，煙靭質感而非爽口，鮮味不俗。鮮魷魚，比較靭，海鮮味一般。
手打蝦滑，淥完之後唔算彈牙。
肉類方面選擇反而唔算多。美國肥牛 - 肥咗少少不過都有肉香。
金錢展 - 冇咁多肥膏，薄切夠快熟。
醉雞翼 - 大大隻肉質香滑，有淡淡酒香。
田雞 - 鮮甜，肉質滑，也不是一般火鍋放題會提供
草羊片 - 肉質夠嫩不過肥膏多咗啲。
馬拉糕
24 views
0 likes
0 comments
蔬菜也有多款選擇：皇帝菜，油麥菜新鮮嫩綠。另外有一些比較特別嘅配料：
牛孖根，要淥耐一點，雖然好厚好硬淨，但牛筋味道唔錯，淥完後口感軟綿帶膠質。
特別推介鮮蝦雲吞及鳳城水餃，即叫即包，保證新鮮，餡料紮實美味，味道媲美雲吞麵舖😊😋
午餐肉~為何是那麼一大塊，味道比較鹹冇咩質感，可以skip😂晚飯時間越來越多人入座，氣氛相當熱鬧，中式酒家內久違了的旺埸景象😁🌟
Post
