檀香山茶餐廳 (Closed)

因為搵唔到位泊車，所以黎左紅磡食個快速午餐，下午1點幾，間間食肆都好多人。經過見到檀香山茶餐廳，之前成日想試但冇試到，今日又唔使等位，就立即入去！入到去，因為想快d食完，所以叫左個快餐 - 蒸肉餅飯，老公叫左個粟米雞粒飯。我個個蒸肉餅幾香，而且有肥瘦肉比率差不多一比一，其實我個人覺得有肥肉做出來既餸係好食d,而且佢加左魷魚乾粒係面食落好香！如有加馬蹄就更加好！不過個蒸肉餅落得太多油蒸，對女人黎講真係好肥，我都食唔到，但佢配大大碗飯，岩晒個d要有飯氣既男人！老公叫個個粟米雞粒飯，通常都冇衰，而且d雞肉好滑，但d飯有d硬，連老公都話硬，咁就差d了......我叫熱檸茶，老公要凍檸茶，我杯茶濃，但唔澀，依個做得幾好！